Ростов-на-Дону зэнэкъокъоу «УМНИК-2025» зыфиIорэм ифинальнэ едэIунхэм яплощадкэ къыщызэIуахыгъ, инновациехэм IэпыIэгъу афэхъурэ Фондыр ягъусэгъу. Iофтхьабзэр коворкингэу «Рубин» зыфиIоу «Къыблэ инновационнэ форумэу 2025-рэ» зыфиIорэм къыдыхэлъытагъэм ыкIи Ростов хэкум и Правительствэ яIэпыIэгъоу рагъэкIокIыгъ. Форумым изэхэщакIоу зыкъэзгъэлъэгъуагъэр Фондэу «Сколково» — АНО «ФИРОН» зыфиIоу Президентскэ грантхэм я Фонд ишъолъыр оператор.

Форумым Мыекъопэ къэралыгъо технологическэ университетыр къыщызгъэлъэгъуагъэхэр: научнэ IофшIэнымкIэ ыкIи инновационнэ хэхъоныгъэмкIэ проректорэу Татьяна Овсянниковар, информационнэ щынэгъончъэнымкIэ ыкIи прикладной информатикэмкIэ кафедрэм ипащэу Цундышк Вячеслав, экологическэ факультетым истудентэу Александр Карлиныр.

Экономикэ хэхъоныгъэмкIэ Ростов хэкум и Министрэу Павел Павловым ишIуфэс псалъэ къыщыхигъэщыгъ: «Инновациехэм IэпыIэгъу афэхъугъэнымкIэ Фондым министерствэр зыдэлажьэрэр илъэси 10 хъугъэ. А уахътэм къыкIоцI тиэкономикэ сомэ млрд 2,4-рэ къыращэлIагъ. Iофтхьабзэм хэлажьэрэмэ гъэхъагъэхэр ашIынхэу, япроектхэр лъагъэкIотэшъунхэу сафэлъаIо».  

Iофтхьабзэм хэлажьэзэ проректорэу Татьяна Анатолий ыпхъур питч-сессием Адыгэ Республикэм щыIэ Фондым илIыкIоу къыщыгущыIагъ. Ащ фэшъхьафэу, Вячеслав Юрий ыкъом IэпэIэсэныгъэр хэгъэхъогъэнымкIэ курсыр аригъэкIугъ ыкIи трекерым иудостоверение къыратыгъ.

Питч-сессием анахьэу анаIэ зыщытырадзагъэр МКъТУ-м истудентэу Александр Карлиным ипроектэу «Hothouse» зыцIэр ары. Ар гукъэкI анахь дэгъу 20-мэ ащыщ хъугъэ. Проектыр зыфытегъэпсыхьагъэр энергоснабжение шхъуантIэм изэхэгъэуцон ыкIи хъызмэтмэ псыр шIуагъэ къытэу ащыгъэфедэгъэныр. Шъолъырым ифермерскэ хъызмэтмэ апае ар гъэпсыгъэ, аквакультурэу тхьапэ салатхэр къэзышIыхэрэмэ афэгъэзагъ. Проектым илъэсым къыкIоцI дэлэжьагъэх, ар МКъТУ-м и Акселераторэу «ИнноВектор» зыфиIорэм ыкIи   платформэу «ФИРОН» зыцIэм къадыхэлъытагъ..

Къыблэ инновационнэ форумым нэбгырэ 250-м ехъу къыугъоигъ, ахэр Къыблэ федеральнэ шъолъырым щыщых. Наукэм, гъэсэныгъэм, бизнесым ялIыкIохэр ащ хэхьагъэх.