2023-рэ илъэсым къыщыублагъэу Мыекъопэ къэралыгъо технологическэ университетыр научнэ-техническэ творчествэу «ШУСТРИК» (КIэлэеджакIоу инновационнэ конструкциехэр зыгъэпсыхэрэр) зыфиIорэм и Урысые зэнэкъокъу ишъолъыр лъыкIоу Адыгэ Республикэм щыриI.

Мы илъэсым ижъоныгъокIэ мазэ и 23-м МКъТУ-м зэнэкъокъум изичэзыу шъолъыр едзыгъор щыкIуагъ. Мыгъэ Адыгеим проектнэ заявки 6 щатыгъ: IофшIэгъитIумэ ащыщэу апэрэр «Бактериер къэгъот» зыфиIорэр ары,  (зизакъо ыкIи команднэ шапхъэ иI); ЯтIонэрэр зизакъо проектэу десэу «Марсоход» зыфиIорэмкIэ гъэпсыгъэ; зы проектыр гъэцэкIэнэу «ЕджэпIэ предметхэр зэгъэшIэгъэнхэмкIэ IэпыIэгъу»; зы проектыр гъэцэкIэнэу «Дунаир тэукъэбзы» зыфиIорэр ары.

Зэнэкъокъум кIэлэеджэкIо нэбгыри 8 хэлэжьагъ. АныбжьхэмкIэ зэрэзэтефыгъагъэхэр:

— Заявки 5 аныбжьыхэмкIэ илъэс 14-18;

— Зы заявкэр — анахь цIыкIухэмкIэ, илъэси  6-9.

Шъолъыр едзыгъом изэфэхьысыжьхэмкIэ IофшIэгъитIу федеральнэ зэнэкъокъум хэлэжьэщтых:

1.     Проектэу «Качер Бровина — как альтернативный способ беспроводной передачи энергии» (лъэныкъор «ЕджэпIэ предметхэр зэгъэшIэгъэнхэмкIэ IэпыIэгъу») — авторыр: Вэрэкъо Имран, Советскэ Союзым и ЛIыхъужъэу Къош Алый ыцIэ зыхьырэ гурыт еджапIэу № 5-м икIэлэеджакIу (Кощхьэблэ район); гъэсакIор ДышъэкI Жанчира, физикэмкIэ кIэлэегъадж.

2.     Проектэу «Беспилотная платформа для сбора мусора в небольших водоёмах» лъэныкъор «Дунаир тэукъэбзы») — авторыр: Юлия Ивановар ары, Хайтек-квантумэу кIэлэцIыкIу технопаркэу «Кванториумым» хахьэрэм иеджакIу; гъэсакIор — Сергей Волобуев.

Федеральнэ едзыгъом изэфэхьысыжьхэмкIэ Вэрэкъо Имран апэрэхэмэ ахэфагъ! Ащ сертификатрэ шIухьафтынрэ къыратыщт ыкIи къэралыгъо ресурсэу  «Сэнаущыгъэмрэ гъэхъагъэмрэ» зыфиIорэм хатхэщт.

Зэнэкъокъур дэгъоу зэрэзэхищагъэм фэшI, Мыекъопэ къэралыгъо технологическэ университетым рэзэныгъэ тхылъ къыфэкIуагъ, ар инновациехэм адэлэжьэгъэнымкIэ Фондым игенеральнэ пащэу Иван Бортникым къыгъэхьыгъ.