Сервисэу «Апшъэрэ еджапIэм онлайн шIыкIэмкIэ узэрэчIэхьащтыр» зыфиIорэр — ар гъэсэныгъэмрэ шIэныгъэмрэкIэ Урысыем и Министерствэ, Минцифрэм, Рособрнадзорым ясервис, порталэу «Госуслуги» зыфиIорэм щэIорышIэ.

Ащ ишIуагъэкIэ абитуриентхэр ежь-ежьырэу мыкIохэу, документхэр гъэсэныгъэ ыкIи научнэ организациехэм алъагъэIэсышъух. Абитуриентым заявление бюджетнэ чIыпIэм пае ытын ылъэкIыщт (целевойри ащ хэхьэ) ыкIи джащ фэдэу ыпкIэ зыпылъми, очнэ, очно-заочнэ ыкIи заочнэ шапхъэхэмкIэ, программэхэу бакалавриатым, специалитетым, ахэм ахэхьэх программэхэу апшъэрэ еджэпIихыхэу апшъэрэ гъэсэныгъэм исистемэ зыщагъэкIэжьыхэрэри. 2025-рэ илъэсым къыщыублагъэу Сервисым ифункционал зиушъомбгъугъ ыкIи амал щыIэ хъугъэ магистратурэмрэ аспирантурэмрэ япрограммэхэм апае заявкэхэр птышъунхэу. Целевой егъэджэным пае заказчикыр 2024-рэ илъэсым къыщегъэжьагъэу порталэу «Работа в России» зыфиIорэм къыщыбгъотын плъэкIыщт.

СервисымкIэ документхэр птынхэм пае ищыкIагъэр:

1.    Порталэу «Госуслуги» зыфиIорэм учетнэ тхыгъэр къыщыбгъэшъыпкъэжьыныр;

2.     Заявлениер птхыныр, бакалавриатым ыкIи специалитетым пае апшъэрэ еджапIитф ыкIи лъэныкъуи 5 къыхэпхын уфит (зэнэкъокъу купхэр ары пэпчъ нахьыбэн ылъэкIыщт), магистратурэм ыкIи аспирантурэм ащ фэдэ гъунапкъэ яIэп, узыфаем фэдизмэ яптын плъэкIыщт;

3.    Заявлениер бгъахьын фае, ищыкIагъэу зыхъурэм ушэтынхэр птынхэу зыхэптхэн фае.

Къыхэдгъэщыгъэн, чIэхьэгъу ушэтынхэр магистратурэм ыкIи аспирантурэм ипрограммэхэм апае зыфатыхэрэр гъэсэныгъэ ыкIи научнэ организациехэр ары.   Целевой квотэмкIэ апшъэрэ еджапIэхэр пштэхэмэ зы зэнэкъокъу ыкIи зы заказчик къыхэпхышъущтхэр. Абитуриентым амал раты документ тынхэм япIалъэ екIыфэ нэс заявлениер зэблихъужьынэу е Iуихыжьын ылъэкIынэу.

Нахь игъэкIотыгъэу къэбарым мы сйтым шъущигъэгъозэщт: https://www.gosuslugi.ru/vuzonline.

Iоныгъом и 20-м къыщыублагъэу сервисэу «Подбор вуза» зыфиIорэм къыщыхаутыщтых заявление зытыгъэмэ яспискэхэр, бэдзэогъум и 25-м къыщыублагъэу зэнэкъокъум хэлажьэрэмэ яспискэхэр, ащ ишIуагъэкIэ абитуриентхэр лъыплъэнхэ алъэкIыщт зэнэкъокъур зэрэкIорэм. Абитуриентым икъэбар сервисэу «Поступай в вуз онлайн» зыфиIорэм иунэе кабинет щызэригъэшIэшъущт.