Мурад гъэнэфагъэ зиIэ (целевой) егъэджэным сыда къикIырэр?

Мурад гъэнэфагъэ зиIэ (целевой) егъэджэныр — ар егъэджэн шапхъэу щыт, къызфэзгъэфедэгъэ абитуриентыр университетым зэрэчIэхьагъэр къызынафэкIэ, тапэкIэ IофшIэн къезытыщтым зэзэгъыныгъэм дыкIатхэ. А зэзэгъыныгъэм ыпкъ къикIэу студентыр ыпкIэ хэмылъэу еджэ, стипендие къыраты, ащ фэшъхьафэу тедзэ IэпыIэгъуми ащыгугъын ылъэкIыщт (гущыIэм пае, гъогупкIэр къыфырагъэгъэзэжьыныр, унапкIэр фатыныр, ышхырэм текIуадэрэр къыратыныр, ахэр зэкIэ IофшIэн къезытыщтым къыфешIэ, ар зэзэгъыныгъэм ратхагъэ хъумэ).

Программэм нахь шIуагъэу къытыхэрэр:

— IофшIэн къэзытэу шъолъырым щыпсэурэмэ ящыкIэгъэ сэнэхьатыр зэгъэгъотыгъэныр;

— студентым апшъэрэ еджапIэр къызиухырэ ужым Iоф зыщишIэщт чIыпIэр зэрэхьазырыщтыр, ащ IэнатIэу щиIыгъыщтым ишIэ зэрэхэлъыщтыр;

— лэжьапкIэу къыратыщтыр зыфэдизыр пэшIорыгъэшъэу ышIэщт;

— ицыхьэ телъыщт IофшIэпIэ чIыпIэ зэриIэщтым.

Целевой квотэм къытырэ чIыпIэхэм сыдэущтэу захэбгъэфэщта?

Целевой квотэм къытырэ чIыпIэхэм уахэфэныр – ар апшъэрэ еджапIэм зэриштэхэрэ шIыкIэ шъхьафэу щыт, зэнэкъокъу шъхьафкIэ учIэхьашъуныр къыделъытэ.

Апэрэ лъэубэкъур:

Платформэу «Работа в России» зыфиIорэм исайт о къыокIурэ вакансиер къыщыогъоты е апшъэрэ еджапIэм порталэу «Госуслуги» зыфиIорэр къызфэбгъэфедэзэ заявлениер ептынэу зыхъурэм.

ЯтIонэрэ лъэубэкъур:

Порталэу «Госуслуги» зыфиIорэм заявлениер щыптын е апшъэрэ еджапIэм фэптхыныр (о пшъхьэкIэ, почтэмкIэ е апшъэрэ еджапIэм иинформационнэ системэмкIэ).  ШъунаIэ тешъудз: мурад гъэнэфагъэ зиIэ (целевой) квотэмкIэ зы гъэсэныгъэ программэ закъу къыхэпхын плъэкIыщтыр.

Ящэнэрэ лъэубэкъу:

        Порталэу «Госуслуги» зыфиIорэм иунэе кабинет е апшъэрэ еджапIэм иофициальнэ сайт зэфэхьысыжьэу къарыхьэрэмэ уалъыплъэн фае.

ЯплIэнэрэ лъэубэкъур:

         Мурад гъэнэфагъэ зиIэ (целевой) зэзэгъыныгъэ заказчикэу целевой егъэджэныр къыппэзыгъохырэм дэшIыгъэныр, ар университетым узэрэчIэхьагъэмкIэ приказыр къызыхаутырэм ыуж, ау еджэгъу илъэсыр къэмысызэ.

Заявлениехэр зыщаштэхэрэ уахътэр (апшъэрэ еджапIэм документхэр зыщиштэщтхэ уахътэр егъэнафэ):

Бакалавриатым, специалитетым, базовэ апшъэрэ гъэсэныгъэ программэхэмкIэ —  Iоныгъом и 20-м къыщыублагъэу бэдзэогъум и 25-м нэс;

магистратурэм ипрограммэхэмкIэ —  Iоныгъом и 20-м къыщыублагъэу шышъхьэIум и 20-м нэс;

аспирантурэм ипрограммэхэмкIэ — Iоныгъом и 20-м къыщыублагъэу порталэу «Госуслуги» зыфиIорэмкIэ ежь апшъэрэ еджапIэм (научнэ организацием), ыгъэнэфэгъэ пIалъэм нэс, ащ дэжьым апшъэрэ еджапIэм (научнэ организацием) документхэм яштэн нахьыжьэу ыгъэнэфэн ылъэкIыщт тхьапэхэмкIэ.

         Ординатурэм, ассистентурэхэм-стажировкэхэм япрограммэхэмкIэ:

         Гражданиным ежь-ежьырэу нэIуасэ зыфишIын фае заказчикхэм япредложениеу платформэу «Работа в России» зыфиIорэм къыщатыгъэм ыкIи целевой егъэджэнымкIэ зэзэгъыныгъэ зэрашIыщтымкIэ заявкэр къатынэу щыт, ар пIалъэу апшъэрэ еджапIэм къыгъэнэфагъэм блэбгъэкIы хъущтэп (ординатурэм ипрограммэхэмкIэ документхэр аштэхэу аублэ бэдзэогъум и 1-м, ассистентурэхэм-стажировкэхэм япрограммэхэмкIэ — пIалъэхэу апшъэрэ еджапIэм къыгъэнэфагъэхэмкIэ).

Мурад гъэнэфагъэ зиIэ (целевой) егъэджэнымкIэ зэзэгъыныгъэм кIэтхэнхэм фэшI заявкэхэр затыхэрэр приемнэ кампаниер зыщыкIорэ уахътэм тефэ, ар ФГБОУ ВО «МКъТУ-м» игъэсэныгъэ программэхэмкIэ егъэнафэ:

— Бакалавриатыр ыкIи специалитетыр 20.06.25-рэ илъэсым къыщыублагъэу 25.07.25-м нэс.

— Магистратурэр 20.06.25-рэ илъэсым къыщыублагъэу 20.08.25-м нэс.

— Ординатурэр 01.07.25-рэ илъэсым къыщыублагъэу 09.08.25-м нэс.

— Аспирантурэр 20.06.25-рэ илъэсым къыщыублагъэу 16.08.25-м нэс.

УпчIэ горэхэр шъуиIэхэ хъугъэмэ зыкъыфэжъугъаз Мыекъопэ къэралыгъо технологическэ университетым иприемнэ комиссие: 8(8772) 52-30-08; почтэр: priemkom@mkgtu.ru.

ЗыкI контакт-гупчэу «Прием в вуз»: https://priemvuz.ru/; тел.: 8 (800) 301-44-55 (Урысые кIоцIым ущытеощтмэ), 8 (495) 122-22-68 (IэкIыбым къипшIыкIыщтмэ).

Мурад гъэнэфагъэ зиIэ (целевой) егъэджэным фэгъэхьыгъэ нахь игъэкIотыгъэ къэбарыр мыщ ижъугъотэщт: https://minobrnauki.gov.ru/action/targeted_training/.