Мы мафэхэм Мыекъопэ къэралыгъо технологическэ университетым зэфэхьысыжь аттестацие езгъэжьэгъэкIэ фермер 37-мэ щарагъэкIугъ — гъэсэныгъэ программэу «Фермерым иеджапI. Организацием инепэрэ технологиехэр ыкIи мэкъу-мэщ хъызмэтыр зехьэгъэныр» зыфиIорэм къычIитIупщыгъэхэр. Къэухъумэным ишапхъэу аштагъэхэр бизнес-планхэр ары, ахэр лъэныкъуитIукIэ агъэхьазырынхэ фэягъэ: пхъэшъхьэ-цумпэ производствэр ыкIи былымIыгъыным хэхъоныгъэ егъэшIыгъэныр.

Программэр мэлылъфэгъум и 28-м къыщыублагъэу Iоныгъом и 28-м нэс агъэцакIэ, ар къыдыхэлъытагъ зэзэгъыныгъэу Россельхозбанкым, МКъТУ-м ыкIи Адыгэ Республикэм мэкъу-мэщымкIэ и Министерствэ зэдашIыгъэм. Анахьэу тызэрыпагэрэр, рагъаджэрэмэ япроцент 25-р хэушъхьафыкIыгъэ дзэ операцием хэлажьэрэмэ якIалэх е яунагъо щыщых.

Бизнес-планхэу лъэтегъэуцо зыфашIыгъэхэр:

— гъэлъэшыгъэ шIыкIэкIэ чъыгхатэхэр гъэпсыгъэнхэр (мыIэрысэр, къужъыр, чэрэзыр, къыпцIэр);

— цумпэ лъэпкъмэ якъэгъэкIын (маркIо, цумпэ, къэцмаркIор ыкIи нэмыкIхэр);

— цумпэхэмрэ пхъэшъхьэ-мышъхьэхэмрэ илъэс реным къэгъэкIыгъэнхэм пае фэбапIэхэр шIыгъэнхэр.

Программэм ипшъэрылъ шъхьаIэр — къоджэдэсмэ яфинансовэ шIэныгъэ хэгъэхъогъэныр, фермерствэм зегъэушъомбгъугъэныр, Адыгэ Республикэм ишъолъыр хъызмэтшIапIэхэр кIэу къыщызэIухыгъэнхэр. Егъэджэнхэм ахэлэжьагъэх МКъТУ-м ипрофессорскэ-кIэлэегъэджэ куп, АПК-м ипрактикхэр, шъолъырым ифермерскэ хъызмэт анахь дэгъумэ ялIыкIохэр.

Ухъумэнхэр зышIыгъэхэмэ къэралыгъо шъуашэ зиIэ дипломхэр къаратыжьыгъэх, яунэе Iоф къызэIуахыщтмэ пэрыохъу джы яIэжьыщтэп.

Программэр дэгъоу зэракIугъэмкIэ зэкIэхэми тафэгушIо! «Фермерым иеджапIэ» щагъотыгъэ шIэныгъэр яIэубытыпIэу мэкъу-мэщым гъэхъагъэхэр щашIынхэу тафэлъаIо!