Непэ Мыекъопэ къэралыгъо технологическэ университетым и «Точка кипение» Университет 2035-м игъэсэныгъэ интенсивэу «Траектория роста» зыфиIорэм и Демо-мафэ щыкIуагъ.

Гъэтхэ орым хэгъэгум ит гъэсэныгъэ организацие 41-рэ хэлэжьагъ, зэкIэмкIи студент 1662-р проект 536-мэ Iоф адашIагъ. МКъТУ-м ыцIэкIэ ащ командэ 12 хэлэжьагъ, ахэмэ мэзищым къыкIоцI гъэсакIохэр ашъхьагъ итхэу гукъэкI проектхэр зэхагъэуцуагъэх. УблэпIэ едзыгъом къыдыхэлъытагъэр зэкIэми IэпэIэсэныгъэ ахэлъэу акIугъ — Краш-тестыр ыкIи экспертмэ я Труба, федеаральнэ уасэ экспертмэ ащ къащыфашIыгъэх.

Демо-мафэм хэлэжьэгъэ командэмэ апэчIынатIэхэр лъэныкъуабэхэмкIэ къагъэлъэгъуагъэх: цифрэ технологиехэмкIэ, биотехнологиехэмкIэ, пилот зэрымыс аппаратхэмкIэ, къыдэгъэкIыжьыгъэнымкIэ ыкIи нэмыкIхэмкIэ.

Iофтхьабзэм зэфэхьысыжьэу фэхъугъэм елъытыгъэу, ащ хэлэжьагъэмэ хэкIыпIэу къагъотыгъэхэм ялъытыгъэу апэрэ ыкIи ятIонэрэ шъуашэ зиIэ дипломхэр аратыгъэх.

А I-рэ шъуашэ зиIэ дипломыр къыдэзыхыгъэ проектхэр:

— «Геймдизайн джэгукIэу Фудсовет Мыекъуап»

— «ЭнерджиБрикет»

— «Нахьыжьэу физическэ хэхъоныгъэ ягъэшIыгъэныр ыкIи еджапIэм пэмыхьагъэхэм яшхыныгъохэр зыфэдэхэр еджапIэм пэмыхьагъэхэм ядзюдо ящысэу» зыфиIорэр

— «Нэбгырэ пэпчъ шъхьаф-шъхьафэу зэрэшхэщтхэр зэхэгъэуцогъэныр»

— «Индикатор»

— «Функциональнэ мэхьанэ зиIэ шъонэу калиер боу зыхэлъыр»

— «Псауныгъэ лIэужыр».

Я II -рэ шъуашэ зиIэ дипломыр къыдэзыхыгъэ проектхэр:

— «ХэушъхьафыкIыгъэ гъэсэныгъэ зищыкIэгъэ сабыйхэм яфинансовэ гъэсэныгъэ зыфэдэр»

— «Мэзхэм якъуэхъумэн тегъэпсыхьэгъэ виртуальнэ системэр»

— «Адыгэ Республикэм иэко-брендинг»

— «Адыгэ Республикэм иэкосистемэр»

— «Пробиотикхэр гъэфедэгъэнхэмкIэ чат-бот, цIыфхэм япкъышъол гъэпытэгъэным фытегъэпсыхьагъэу»

МКъТУ-м истудентхэр чанэу Iофтхьабзэм зэрэхэлэжьагъэхэмкIэ тафэгушIо!

Мы проектым зэрэхэлэжьагъэхэм мэхьанэшхо иIэу щыт, ащ студентмэ яIэпэIэсэныгъэ хегъахъо, джащ фэдэу технологиехэм ыкIи социальнэ мэхьанэ зиIэ гукъэкIхэм ашъхьэкIэ яIахь халъхьэ.