Воронежскэ къэралыгъо мэкъу-мэщ университетэу Императорэу Петр I-м ыцIэ зыхьырэм семинар-зэхэсыгъо щыкIуагъ, ащ УФ-м мэкъу-мэщымкIэ и Министерствэ ыкIи наукэмрэ апшъэрэ гъэсэныгъэмрэкIэ Министерствэм хэхьэрэ апшъэрэ еджапIэмэ яагрономическэ факультетхэм ядеканхэр хэлэжьагъэх.

Iофтхьабзэр зэхащагъ Федеральнэ егъэджэн-методическэ объединениеу сэнэхьатхэу ыкIи лъэныкъохэу зыфагъэхьазырыхэрэ купхэу 35.00.00 «Сельское, лесное и рыбное хозяйство» и Ассоциации «Агрообразование» зыфиIохэрэр яIэпыIэгъоу.

Мыекъопэ къэралыгъо технологическэ университетым ыцIэкIэ семинар-зэхэсыгъом иIофшIэн хэлэжьагъ гъомлэпхъэ технологиехэм ыкIи шхыныгъохэм ягъэхьазырын икафедрэ ипащэу, техническэ шIэныгъэхэмкIэ докторэу, доцентэу Хъоткъо Зурет.

ЗэIукIэгъум темэу иIагъэр — «Агротехнологическэ гъэсэныгъэм инепэрэ екIолIакIэхэр ыкIи ипшъэрылъхэр» — агропромышленнэ комплексым кадрэхэр фэгъэхьазырыгъэнхэм фэгъэхьыгъагъ, технологическэ трансформациер, климатическэ зэхъокIыныгъэхэр къыдалъытэхэзэ ар гъэцэкIэгъэным тегъэпсыхьэгъагъ.

Семинарым иIофшIэн хэлэжьагъэх мэкъу-мэщымкIэ УФ-м и Министерствэ, наукэмрэ апшъэрэ гъэсэныгъэмрэкIэ и Министерствэ, Ассоциациеу «Агрообразование» зыфиIорэр, профессиональнэ квалификациехэмкIэ АПК-м и Совет, Воронежскэ хэкум и Правительствэ, гъэсэныгъэ организациехэм ялIыкIохэр.

Семинарым ипрограммэ хэтыгъэх докладхэу упчIэ шъхьаIэхэм афэгъэхьыгъэхэр, мэкъу-мэщым епхыгъэ гъэсэныгъэм хэхъоныгъэ егъэшIыгъэным.

— Федеральнэ УМО по УГСНП 35.00.00 зыфиIорэм итхьаматэу, кадрэхэм ягъэхьазырынкIэ егъэджэн-методическэ Гупчэу АПК РГАУ-МСХА К.А. Тимирязевым ыцIэ зыхьырэм ипащэу Виктор Бердышевым докладэу къышIыгъэм итемэ: «Непэрэ мэкъу-мэщ гъэсэныгъэр: сыд фэдэщта ар»;

— мэкъу-мэщ биологием икафедрэ идоцентэу, Томскэ къэралыгъо университетым мэкъу-мэщ биологием икафедрэ идоцентэу Оксана Минаевам докладэу къышIыгъэр: «Реализация пилотного проекта по изменению уровней профессионального образования по направлению «Агрономия»;

— Белорусскэ къэралыгъо мэкъу-мэщ академием иагротехнологическэ факультет идекан игуадзэу Марина Радкевич Республикэу Беларусь агрономическэ лъэныкъомкIэ специалистхэр зэрэщагъэхьазырхэрэм иопыткIэ къадэгощагъ.

Программэм къыдыхэлъытагъэу зэхэсыгъом хэлажьэрэмэ высокотехнологичнэ производствэм агрономическэ ыкIи биотехнологическэ лъэныкъохэмкIэ Iоф зэришIэрэр къагъэлъэгъуагъ.

Семинар-зэхэсыгъом къыгъэлъэгъуагъ гъэсэныгъэ, научнэ ыкIи отраслевой лъэныкъохэр зэхэбгъахъохэмэ, кадрэхэм ягъэхьазырынкIэ лъэубэкъушIу бдзын зэрэплъэкIыщтыр, гъэсэныгъэ программэхэр зэрэбгъэкIэжьышъущтхэр.