Мыекъопэ къэралыгъо технологическэ университетым я II-рэ  Адыгэ республикэ онкологическэ форумыр щыкIуагъ, ащ цIэу иIагъэр: «Непэрэ онкологиер ыкIи гематологиер. Шъолъырым гъэхъагъэу ышIыгъэхэр ыкIи гумэкIыгъохэр».

Мы научнэ-практическэ Iофтхьабзэшхом хэгъэгум ит медицинскэ учреждение пэрытхэм яспециалистхэр, МКъТУ-м и Медицинскэ институт икIэлэегъаджэхэр, истудентхэр ыкIи иординаторхэр зэрипхыгъэх.

Форумым хэлэжьагъэхэр опытэу яIэмкIэ зэхъожьыгъэх, екIолIакIэу онкологием ыкIи гематологием алъэныкъокIэ яIэхэр къыраIотыкIыгъэх.

Программэм игъэкIотыгъэ тематическэ секциищ хэхьагъ:

— «SPOT хъугъэ-шIэгъэ хьылъ (Science & Practice in Oncology Training - наукэр ыкIи практикэр онкологием фегъэджэгъэнхэмкIэ». Шъом имеланомэ гъэхъужьыкIэ хэушъхьафыкIыгъэу иIэр.

Ащ фэдэ ямышIыкIэ гъэхъужьыкIэу щыIэм тегущыIагъэх НМИЦ онкологиеу Н.Н. Петровым ыцIэ зыхьырэм яспециалист пэрытхэр ягъусэу (къ. Санкт-Петербург). Научнэ зэдэгущыIэгъу шапхъэм къыщаIэтыгъ комплекснэ терапием шIуагъэу къытыхэрэр, диагностическэ екIолIакIэхэр ыкIи междисциплинарнэ зэдэлэжьэныгъэр.

— Онкологическэ ыкIи онкогематологическэ сымаджэхэм уц терапиеу арахьылIэхэрэм япхыгъэ упчIэ шъхьаIэхэр.

Краснодар краим ыкIи Москва ащыщ экспертмэ мыщ фэдэ лъэныкъохэмкIэ докладхэр къашIыгъэх: метастатическэ меланомэм итерапие, адэбзэу зызыушъомбгъурэм ебэныгъэныр, непэрэ екIолIакIэу моноклональнэ антителэхэм ыкIи ингибиторхэу CD4/6 яIэхэр. Хэлажьэрэмэ уцхэр зэрэрахьылIэхэрэм, сымаджэмэ ящыIэныгъэ нахь зэрафагъэпсынкIэщтым атегущыIагъэх.

— Морфологием епхыгъэ упчIэ шъхьаIэхэр.

Анахьэу анаIэ зытырагъэтыгъэр папиллярнэ ыкIи инвертированнэ хъугъэхэр уплъэкIугъэнхэр, нэгъу адэбзыр молекулярнэу зэрэзэтефыгъэр, эндометриеу ыкIи меланоцитарнэ адэбзхэр уплъэкIугъэнхэр. Москва ыкIи Ростов-на-Дону ащыщ экспертмэ докладхэр къашIыгъэх — ахэр хэгъэгум иреференс-гупчэхэм ащыIэх.

Мыщ фэдэ Iофтхьабзэу зэхащэрэмэ специалистмэ яIэпэIэсэныгъэ хагъахъо, ащ дакIоу хэгъэгумрэ шъолъырымрэ арыт медицинскэ учреждениемэ язэпхыныгъэ агъэпытэ.