Мыекъопэ къэралыгъо технологическэ университетым я II-рэ ЗэIухыгъэ зэнэкъокъоу социальнэ проектхэу «Къулыкъу ахьызэ егъэджэгъэнхэр» зыфиIорэмкIэ щыкIуагъэм иаужырэ мафэ гъэшIэгъонэу рекIокIыгъ. ЛъэныкъуитIоу «Инклюзивнэ обществэр» ыкIи «Шъолъырхэм хэхъоныгъэ ягъэшIыгъэныр» зыфиIохэрэмкIэ гукъэкI 38-рэ экспертнэ жюрим ыпашъхьэ къыралъхьагъ.

Лъэныкъоу «Инклюзивнэ обществэр» зыфиIорэм уасэ къыфэзышIыгъэ жюрим ипэщагъэр Адыгэ республикэ еджэпIэ-интернатэу икъоу зэхэзымыхыхэрэр ыкIи зымылъэгъухэрэр зыщырагъаджэхэрэм ипащэ игуадзэу Зоя Петрашевар ары. Экспертнэ комиссием хэхьагъэхэр: МКъТУ-м икъутамэу поселкэу Яблоновскэм дэтым гъэIорышIэнымрэ таможеннэ Iофымрэ якафедрэ ипащэу Кушъутанэкъо Светлан; Урысые обществэу «ШIэныгъэм» и Адыгэ къутамэ ипащэу, экономикэ шIэныгъэмкIэ кандидатэу, доцентэу Галина Измайловар.

Номинацием щытекIуагъэхэр:

а 1-рэ чIыпIэр:

— Сэкъатныгъэ зиIэхэм афытегъэпсыхьэгъэ щыгъынхэр проектирование шIыгъэнхэр — Ульяна Шуликар, гъэсакIор: КIэдэкIое Нафсэт.

— Сэкъатныгъэ зиIэ сабыйхэм машIом ищынэгъончъагъэ фэгъэхьыгъэ къэбархэр алъыгъэIэсыгъэныр — студентхэм якомандэ купэу «МашIо щынэгъончъэныр», гъэсакIор: Къыздырмыш Сулиет.

— Хэзгъэгъуазэхэрэ экскурсионнэ лъэсгъогухэр ыкIи Калининградскэ хэкум ащ фэдэхэм уазэрэнэсыщтыр — БФУ-у И. Кантэм ыцIэ зыхьырэм истудентхэр (къ. Калининград)

я 2-рэ чIыпIэр:

— Тетрадь-нейротренажёрэу когнитивнэ хэгъозэжьыным пае агъэфедэрэр — лечебнэ факультетым истудентхэм якоманд, гъэсакIор: Людмила Красновар.

— ЗэхашIэрэ тарихъ чIыпIэхэр — студентэу Тимур Кошокиныр, гъэсакIор: Светлана Калашниковар.

— VR-экскурсиеу социальнэ Iофхэр зыхэтхэр — Анастасия Инжебейкинар (МКъТУ-м икъутамэу пос. Яблоновскэм дэтыр), гъэсакIор: Жанэ С.Р.

я 3-рэ чIыпIэр:

— Сэкъатныгъэ зиIэхэм гъомлапхъэм фэгъэхьыгъэ гъэсэныгъэ ягъэгъотыгъэнымкIэ егъэджэн курсыр — студентэу Даниил Левинскэр, гъэсакIор: Мария Тамахинар.

— Инклюзивнэ стартапхэр (онлайн-платформэр) — Ирина Казаковар, гъэсакIор: Мамыекъо Людмил.

— Далевскэ гухэр — гухэлъхэр къыддэхъух — В. Далым ыцIэ зыхьырэ ЛГУ-м истудентхэр (ЛНР).

«Шъолъырхэм хэхъоныгъэ ягъэшIыгъэныр зыфиIорэ лъэныкъом уасэ фэзышIыгъэ жюрим ипэщагъэр МКъТУ-м экономикэмкIэ ыкIи гъэIорышIэнымкIэ ифакультет идеканэу, экономикэ шIэныгъэмкIэ кандидатэу, доцентэу Ешыгоо Светлан. Комиссием хэхьагъэхэр: маркетингым, сервисым ыкIи туризмэм якафедрэ ипащэу, экономикэ шIэныгъэхэмкIэ кандидатэу, доцентэу КъумпIыл Анжелика; ландшафтнэ архитектурэм ыкIи мэз Iофым икафедрэ ипащэу, мэкъу-мэщ шIэныгъэхэмкIэ кандидатэу, доцентэу Наталья Трушевар.

ТекIоныгъэ къыдэзыхыгъэхэр:

а 1-рэ чIыпIэр:

— СизекIо гъогу цIыкIу ыкIи ин — Илья Орловыр, Ксения Шурухинар, гъэсакIор: Светлана Калашникова.

— Финансовэ гъэсэныгъэр адыгабзэкIэ — Къат Диана, Туаршэ Рахьмэт, гъэсакIохэр: Татьяна Паладова, Мамыекъо Людмил.

я 2-рэ чIыпIэр:

— Къэлэ надзорыр — МКъТУ-м истудентхэм якоманд, гъэсакIор: Надежда Продиблохыр.

— IэкIыбым къикIыгъэхэм апае экскурсий  —  УФ-м и Правительствэ и Финансовэ университет (къ. Москва).

— ЗэкIэмэ апае экологиер — «Дубнэ» университетым истудентхэр (Московскэ хэку).

я 3-рэ чIыпIэр:

— Узгъэгъуазэрэ клумбэр — Арина Астаховар (АКъУ), гъэсакIор: Ирина Селивановар.

— Мые тхыр къызэIуихэу — Алина Кузьменко, Элина Одабашян, гъэсакIор: Хьанахъукъо Зареем.

— Сосновскэм иборщевик ишъэф — Орловскэ къэралыгъо университетэу И.С. Тургеневым ыцIэ зыхьырэм истудентхэр (къ. Орёл).

Жюрим итхьаматэу Ешыгоо Светланэ къызэриIуагъэмкIэ, зэнэкъокъум къыгъэлъэгъуагъ IофшIэнхэр непэрэ мафэм зэрэдиштэхэрэр, хэлэжьагъэмэ шIэныгъэ куухэр зэряIэхэр, ащ текIоныгъэ къыдэзыхыгъэхэр гъэнэфэгъэнхэр къыгъэхьылъагъ.

Тыгу къыддеIэу текIоныгъэ къыдэзыхыгъэмэ зэкIэмэ тафэгушIо! Мэфищыр IофшIэнхэмкIэ ушъэгъагъэх, ахэр зэнэкъокъу къодыягъэхэп, ащ хэтыгъэх опытымкIэ зэхъожьынхэр, нэIуасэ зэфэхъунхэр, гукъыдэчъхэр.