Непэ Мыекъопэ къэралыгъо технологическэ университетым Iэнэ хъурае щыкIуагъ, ар Адыгэ Республикэм ит гъэсэныгъэ организациехэмэ машIом ищынэгъончъагъэ щыфагъэсэнхэм фэгъэхьыгъагъ

Экологическэ факультетыр ары Iофтхьабзэм изэхэщэкIуагъэр, экологиемрэ тыкъэзыуцухьэрэ дунаим икъэухъумэгъэнымрэкIэ икафедрэ идоцентхэу Любовь Вавиловам, Къыздырмыш Сулиет ыкIи Елена Кучинскам  ар зэращагъ.

ХьакIэу къырагъэблэгъагъэхэр — МЧС-м и ГъэIорышIапIэ и Федеральнэ мэшIогъэкIосэ къулыкъоу Адыгэ Республикэм щыIэм икъэгъэнэжьын отряд ипащэу, IэкIоцI къулыкъум иполковникэу Дмитрий Слеповыр; тифлопедагогэу, дефектологэу Адыгэ республикэ еджапIэ-интернатэу макIэу зэхэзыхыхэрэр ыкIи зылъэгъухэрэр зыщырагъаджэхэрэм щылажьэрэ Дзэукъожь Асиет; зымылъэгъухэрэм я Адыгэ республикэ хэушъхьафыкIыгъэ тхылъеджапIэ ипащэу Ирина Корниенкар; Мыекъопэ районым ит Гъэсэныгъэ гупчэу № 1-м ипащэ игуадзэу Сергей Чурсиновыр.

Iофтхьабзэм хэлажьэхэрэр мэшIогъэкIосэным епхыгъэ къэбархэр IопщыгъэнымкIэ научнэ-методическэ амалэу щыIэхэм ыкIи Адыгэ Республикэм щыпсэухэрэр машIом щыухъумэгъэнхэмкIэ егъэджэнхэр зэрэрагъэкIокIыщтхэм атегущыIагъэх. Анахьэу анаIэ зытырадзагъэр непэрэ мафэм шIыкIэ-амалэу щыIэхэр ары, екIолIэкIэ хэушъхьафыкIыгъэу агъэфедэхэрэри къыдалъытагъэх. ЕджапIэхэм ащеджэрэ ублэпIэ классхэм арысхэм, хэушъхьафыкIыгъэхэм ащеджэхэм гъэсэныгъэу апагъохыщтыр зэрэшъхьафыр, ащ елъытыгъэу гъэсэныгъэ процессыр зэрэгъэпсыгъэщтыр къаIотагъ.

Зэхэсыгъом докладхэр къыщызышIыгъэхэр:

— Елена Кучинскаям докладэу «Шапхъэхэр, шIыкIэхэр ыкIи мэшIогъэкIосэным ыкIи щынэгъончъэным пае къэбархэр зэралъагъэIэсыщтхэр МКъТУ-м щырагъаджэхэ хъумэ» зыфиIорэр къышIыгъ.

— Къыздырмыш Сулиет «МКъТУ-м IофшIэнэу щагъэцакIэрэм къыхахыгъэ опытыр» зыфиIорэр, ар Адыгэ Республикэм щыпсэухэрэр машIом щыухъумэгъэнхэмкIэ егъэджэнхэр рагъэкIокIыхэ хъумэ къашъхьэпэнэу щыт. 

— Любовь Вавиловар «Гъэсэныгъэ учреждениехэмрэ МЧС-м и ГъэIорышIапIэу АР-м щыIэмрэ МКъТУ-м зэдэлэжьэныгъэу зэдыряIэм ишIуагъэкIэ машIо щынэгъончъэным ылъэныкъокIэ егъэджэнхэр зэхэщэгъэнхэр».

— Экологиемрэ тыкъэзыуцухьэрэ дунаим икъэухъумэгъэнымрэкIэ икафедрэ  опытышхо IэкIэлъ сэкъатныгъэ зиIэ сабыйхэр егъэджэгъэнхэмкIэ, зигугъу къэтшIыгъэ лъэныкъом фэгъэсэгъэнхэмкIэ. Къыхэгъэщыгъэн фае, МКъТУ-м истудентмэ фэдэ десэхэр джэгукIэ шапхъэм илъхэу зэращэх, ащ пае гъэсэныгъэ-информационнэ материалхэр агъэфедэх. ЯцIыкIугъом къыщыублагъэу машIом ищынэгъончъагъэ фэгъэсэгъэнхэм мэхьанэ иIэу щыт,  — къыхигъэщыгъ Дмитрий Виктор ыкъом.