Непэ Мыекъопэ къэралыгъо технологическэ университетым и «Точка кипение» ныбжьыкIэ проектхэм я Урысые зэнэкъокъоу «Уигухэлъ факIу!» зыфиIорэм ифинал щырагъэжьагъ.

Социальнэ проектированием ыкIи предпринимательствэм алъэныкъокIэ шIэныгъэхэр практикэм щагъотынхэмкIэ кIэлэеджакIохэм, студентхэм ыкIи кIэлэегъаджэхэм зэнэкъокъум амалыкIэхэр къаретых. Ар гибриднэ шапхъэм илъэу рагъэкIокIы, хэлажьэрэмэ яIофшIагъэхэр очнэуи пэIудзыгъэ шIыкIэм тетэуи къагъэлъагъо. Урысыем ичIыпIэ зэфэшъхьафхэм ащыпсэухэрэр ащ елъытыгъэу къыхэлэжьэшъух.

Зэнэкъокъум хэлэжьэнхэу заявкэ 256-рэ Урысыем ишъолъыр 29-мэ къатыгъ. Шъолъыр 13-мэ къарыкIыгъэ командэ 72-рэ финалым ихьагъэр, ахэр къыздэкIыгъэхэр: Адыгэ Республикэр, Удмуртскэ Республикэр, Самарскэ хэкур, Республикэу Башкортостан, Пензенскэ, Белгородскэ, Ростовскэ, Тверской, Тамбовскэ, Новгородскэ, Сахалинскэ, Тульскэ хэкухэр, Краснодар краир.

ШIуфэс псалъэкIэ хэлажьэрэмэ закъыфигъэзагъ экономикэ шIэныгъэхэмкIэ кандидатэу, маркетингым, сервисым ыкIи туризмэм якафедрэ идоцентэу, МКъТУ-м и «Точка кипение» ипрограммнэ пащэу, зэнэкъокъум иIэшъхьэтетэу Светлана Новиковам. Ащ къыхигъэщыгъ ныбжьыкIэ проектхэм я Урысые зэнэкъокъоу «Уигухэлъ факIу» зыфиIорэр Мыекъопэ къэралыгъо технологическэ университетым зэрэзэхищагъэр, гъэсэныгъэмкIэ Урысыем и Министерствэ зэриIэпыIэгъугъэр, джащ фэдэу гъэсэныгъэмрэ шIэныгъэмрэкIэ АР-м и Министерствэ ыкIи «Точка кипением» хэтхэр зэкIэ зэригъусагъэхэр.

— Мы лъэныкъохэм ащытекIохэрэр — «ГуфэкIоныгъэр», «Предпринимательствэр», «IT-р ыкIи цифрэ технологиехэр», «Псауныгъэр», «Зэтегъэпсыхьэгъэныр» зыфиIохэрэмкIэ дипломхэмрэ балл тедзэхэмрэ аратыщтых. Ащ фэшъхьафэу ахэр Урысые федерацием и Президент и Фондэу «Сэнаущыгъэмрэ гъэхъагъэмрэ» зыфиIорэм и Къэралыгъо информационнэ ресурс щатхыщтых, — къыIотагъ Светлана Константин ыпхъум.

Ащ ыуж экспертнэ жюрим хэтхэм ацIэ къыриIуагъ. Ахэр: сэнэхьат къыхэхыгъэнымкIэ ыкIи апшъэрэ еджапIэм чIэхьащтхэр гъэхьазырыгъэнхэмкIэ МКъТУ-м игупчэ ипащэу Олег Франко, рекламнэ агентствэу «BREND» зыфиIорэм ипащэу, МКъТУ-м иректор информационнэ политикэмкIэ иупчIэжьэгъоу Хьаджэрые Анастасия, чIыгугъэпсынымкIэ кафедрэм идоцентэу Ирина Селивановар ыкIи ландшафтнэ архитектурэмрэ мэз Iофымрэ якафедрэ икIэлэегъэджэ шъхьаIэу Наталья Сазонец.

ЗэфэхьысыжьхэмкIэ лъэныкъоу «Зэтегъэпсыхьэгъэныр» (илъэс 14-18 зыныбжьыхэмкIэ) зыфиIорэм мыщ фэдэ чIыпIэхэр къыщыдахыгъэх:

а 1-рэ чIыпIэр — проектэу «Импульс» (Гъэсэныгъэ гупчэу №3, ст. Абадзехскэр)

я 2-рэ чIыпIэр — проектэу «Моя улица светлее всех» (СШ № 2 Советскэ Союзым и ЛIыхъужъэу А.Н Березовоим ыцIэ зыхьырэм, поселкэу Инэм)

я 2-рэ чIыпIэр — проектэу «Природная нирвана: экологическая тропа в Бокинских прудах» (Политехническэ лицей-интернатэу ТГТУ, къ. Тамбов)

я 3-рэ чIыпIэр — проектэу «Светофор по требованию» (Адыгэ республикэ еджэпIэ-интернатэу макIэу зэхэзыхыхэрэр ыкIи зылъэгъухэрэр зыщеджэхэрэр, къ. Мыекъуап)

я 3-рэ чIыпIэр — проектэу «Реконструкция парка в Черемушках» (Экологэ-биологическэ лицееу №35-рэ, къ. Мыекъуап)

я 3-рэ чIыпIэр — проектэу «Проектирование умного спортивного комплекса в селе Татаново» (Татановскэ гурыт гъэсэныгъэ еджапI, с. Куксово)

Илъэс 19-25-рэ зыныбжьыхэмкIэ:

а 1-рэ чIыпIэр — проектэу «Зеленый мир» (Дондуковскэ мэкъу-мэщ техникум, ст. Дондуковскэр)

я 2-рэ чIыпIэр — проектэу «Экосад Равновесия» (МКъТУ, къ. Мыекъуап)

я 2-рэ чIыпIэр — проектэу «ЭКО-МИТ» (Мыекъопэ индустриальнэ техникумыр, къ. Мыекъуап)

я 3-рэ чIыпIэр — проектэу «Усовершенствование автобусных остановок в Республике Адыгея» (МКъТУ-м и Политехническэ колледж, къ. Мыекъуап)

я 3-рэ чIыпIэр — проектэу «Проектирование жилого дома с экологически чистыми материалами» (АПК Андрыхъое Хъусен ыцIэ зыхьырэр, къ. Мыекъуап)

я 3-рэ чIыпIэр — проектэу «Нет забытых могил» (МКъТУ-м и Политехническэ колледж, къ. Мыекъуап).

Лъэныкъоу «ГуфэкIоныгъэр» зыфиIорэм экспертэу иIагъэхэр: Урысые обществэу «ШIэныгъэм» икъутамэу АР-м щыIэм ипащэу Галина Измайловар; МКъТУ-м научнэ IофшIэнымкIэ ишIэныгъэлэжь IофышIэ шъхьаIэу Iэшъынэ Анжелика; экологием ыкIи тыкъэзыуцухьэрэ дунаим икъэухъумэн икафедрэ идоцентэу Любовь Вавиловар; АНО «Центр благотворительной помощи людям в сложной жизненной ситуации «Важные вещи» зыфиIорэм ипащэу Ирина Дербеневар; Мыекъопэ къэзэкъыдзэм иотдел иатаман игуадзэу Анастасия Нетребинар.

Лъэныкъоу «ГуфэкIоныгъэр» зыфиIорэм (илъэс 14-18 зыныбжьыхэмкIэ) текIуагъэхэр:

а 1-рэ чIыпIэр — проектэу «Символы мужества непокоренного города» (Гъэсэныгъэ гупчэу № 4, п. Победа)

я 2-рэ чIыпIэр — проектэу «Связь поколений» (ООШ № 13, къут. Кармолино-Гидроицкий)

я 2-рэ чIыпIэр — проектэу «Смотри на меня — делай, как я» (СОШ № 4, им. Сушкина Т.Г. с. Белое)

я 3-рэ чIыпIэр — проектэу «МИТ добротворец» (Мыекъопэ индустриальнэ техникумыр, къ. Мыекъуап)

я 3-рэ чIыпIэр — проектэу «Горящие сердца» (СШ №11, къ. Мыекъуап)

я 3-рэ чIыпIэр — проектэу «Организация приюта для бездомных животных» (СОШ № 2 А. Асеевам ыкIи Ю. Голиковам ацIэ ехьы, ст. Джаджэр)

Илъэс 19-25-рэ зыныбжьыхэмкIэ текIуагъэхэр:

а 1-рэ чIыпIэр — проектэу «Создание музейного уголка техникума «Мы помним, мы гордимся!» (Краснодарскэ кооперативнэ техникум, къ. Белореченск)

я 2-рэ чIыпIэр — проектэу «Город особенных мастеров» (искусствэхэмкIэ Адыгэ колледжэу Тхьабысымэ Умарэ ыцIэ зыхьырэр, къ. Мыекъуап )

я 2-рэ чIыпIэр — проектэу «Цифровая поддержка» (Ейскэ полипрофильнэ колледж, къ. Ейск)

я 3-рэ чIыпIэр — проектэу «Создание ресурсного центра «Шаг в реальность» для обучения детей с расстройствами аутистического спектра» (МКъТУ, къ. Мыекъуап)

я 3-рэ чIыпIэр — проектэу «Шаг навстречу» (АКъУ-м и МГГТК, къ. Мыекъуап )

я 3-рэ чIыпIэр — проектэу «Обучение пищевой грамотности людей с ОВЗ» (МКъТУ, къ. Мыекъуап)

ТекIоныгъэ къыдэзыхыгъэмэ тыгу къыддеIэу тафэгушIо!

Шъугу къэдгъэкIыжьын, жъоныгъуакIэм и 15-м лъэныкъоу «Медиа» ыкIи «IT-р ыкIи цифрэ технологиехэр» зыфиIохэрэмкIэ, джащ фэдэу жъоныгъуакIэм и 20-м «Предпринимательствэр», «Псауныгъэр» зыфиIохэрэмкIэ зэнэкъокъухэр рагъэкIокIыщтых. Тикъэбармэ шъуакъылъыплъэх!