Мыекъопэ къэралыгъо технологическэ университетым Урысые студенческэ гукъэкIмэ язэнэкъокъоу «Аграрий» зыфиIорэм ифинальнэ едзыгъо зэфэхьысыжьхэр щашIыгъэх.

Экспертнэ комиссием хэхьагъэх: мэкъу-мэщымкIэ АР-м и Министрэ иапэрэ гуадзэу Сергей Шопиныр, гъэсэныгъэмрэ шIэныгъэмрэкIэ АР-м и Министрэ игуадзэу Артем Журавелыр, мэкъу-мэщ продукцием икъыдэгъэкIын технологиехэмкIэ кафедрэм ипащэу Мамсыр Нурбый, ландшафтнэ архитектурэм ыкIи мэз IофымкIэ кафедрэм ипащэу Наталья Трушевар; мэкъу-мэщ продукцием икъыдэгъэкIын технологиехэмкIэ кафедрэм идоцентэу Мария Галичевар.

Мыгъэ зэнэкъокъум заявкэ 63-рэ къатыгъ, Урысыем ишъолъыри 9-мэ ахэр ащыщых (Адыгэ Республикэр ыкIи Башкортостан, Краснодарскэ ыкIи Красноярскэ крайхэр, Ростовскэ, Белгородскэ, Иркутскэ, Пензенскэ ыкIи Тюменскэ хэкухэр).

Зэнэкъокъум мыщ фэдэ лъэныкъохэр иIагъэх:

— Зоотехниер ыкIи ветеринариер;

— Агрономиер ыкIи агроинженериер;

— Мэкъу-мэщым иинновационнэ хэхъоныгъэ;

— Мэкъу-мэщ продукциер щыгъэлъыгъэнымкIэ технологиехэр;

— Экологическэ щынэгъончъэныр мэкъумэщым зэрэщыгъэпсыгъэр.

Финальнэ едзыгъом проект 30-у анахь дэгъухэр пхырыкIыгъэх, ащ ягукъэкIхэр къыщагъэлъэгъуагъэх. Докладмэ къыраIотыкIыгъэхэр: лэжьыгъэ бэгъуагъэ къэхьыжьыгъэным епхыгъэ Iофыгъохэр ыкIи ахэмэ ягенетическэ зытетыр нахьышIу шIыгъэныр.

Экспертнэ комиссием хэтхэм амакъэ зэратыгъэм елъытыгъэу текIоныгъэ къыдэзыхыгъэхэр:

Номинациеу «Агрономиер ыкIи агроинженериер»:

а I-рэ чIыпIэр —   Бари Алиев, Вера Ткачева, Вероника Колпакова проектыр «Влияние удобрений на урожайность подсолнечника» Ладожскэ многопрофильнэ техникум, Краснодарскэ край.

Я II-рэ чIыпIэр — Александр Богородскэм ипроектэу «Инновации в технологии выращивания голубики» Адыгэ Республик, МКъТУ-м и Политехническэ колледж.

Номинациеу «Зоотехниер ыкIи ветеринариер»:

а I-рэ чIыпIэр — Дарья Зайченко, Максим Акатьев, Анастасия Дубогрий ипроектэу «Ультразвуковое исследование (УЗИ) — современный метод диагностики, профилактики и лечения животных» Дондуковскэ мэкъу-мэщ техникумыр, Адыгэ Республик.

Я II-рэ чIыпIэр — Екатерина Рябко ипроектэу «Лекарства из продуктов пчеловодства» Адыгэ Республик, МКъТУ-м и Политехническэ колледж.

Номинациеу «Мэкъу-мэщым иинновационнэ хэхъоныгъэ»:

а I-рэ чIыпIэр — Александр Зайнетдиновым ипроектэу «Польза от развития козоводства в Республике Башкортостан: новые технологии и продукты», Республикэу Башкортостан.

Я II-рэ чIыпIэр — Валерий Арутюновым ипроектэу «ЭКО туризм» Адыгэ Республик, МКъТУ-м и Политехническэ колледж.

Номинациеу «Мэкъу-мэщ продукциер щыгъэлъыгъэнымкIэ технологиехэр»:

а I-рэ чIыпIэр — Семен Дорожкиным ипроектэу «Переработка сельскохозяйственной продукции, в частности картофеля» Адыгэ Республик,.

Номинациеу «Экологическэ щынэгъончъэныр мэкъумэщым зэрэщыгъэпсыгъэр»:

а I-рэ чIыпIэр — Василий Лазаренко ипроектэу «Электроснабжение тепличного комплекса с помощью накопительных солнечных панелей» Брюховецкэ аграрнэ колледж, Краснодарскэ край.

Урысые студенческэ гукъэкIмэ язэнэкъокъоу «Аграрий» зыфиIорэр 2024-2025-рэ илъэсхэм ателъытэгъэ еджэгъу илъэсымкIэ агъэнэфэгъэ Iофтхьабзэхэм ахэхьэ.

ТекIоныгъэ къыдэзыхыгъэхэр Мыекъопэ къэралыгъо технологическэ университетым чIахьэхэ хъумэ балл тедзи 10 ыкIи 8 къафашIыщт.