Мы тхьэмафэм Мыекъопэ къэралыгъо технологическэ университетым игъэкIотыгъэу Урысые научнэ-практическэ конференциеу «Студенческэ наукэр — ныбжьыкIэмэ яеплъыкI» зыфиIорэр щыкIуагъ.

Апэрэ Iахьым къыщытIотагъ конференцием щызэхащэгъэ секциемэ ыкIи площадкэмэ Iоф зэрашIагъэр. Непэ ащ къыпытэдзэжьы, МКъТУ-м истудентхэмрэ хьакIэхэмрэ научнэ щыIакIэ гъэшIэгъонэу яIэм шъущытэгъэгъуазэ.
 
Мэкъу-мэщ технологиехэм яфакультет щызэхащэгъэ секциеу «ЧIыгугъэпсыным инепэрэ зытет ыкIи кадастрэр: гумэкIыгъохэмрэ хэкIыпIэу щыIэхэмрэ». УшэтэкIо ныбжьыкIэмэ мэкъу-мэщым цифровизациер зэрэлъыIэсыгъэр, ащ шIуагъэу къытыхэрэр ыкIи кадастэ IофшIэныр зэрэкIорэр зэхафыгъ. Доклад анахь дэгъукIэ къыхахыгъэр Боджэкъо Тимур иер ары, ащ темэу иIагъэр: «Цифрэ чIыгугъэпсыныр мэкъу-мэщ хъызмэтыр цифрэ трансформацие шIыгъэнымкIэ зы екIолIакI».
 
Фармацевтическэ факультетым медицинскэ шIэныгъэхэмкIэ кандидатэу, факультетым идеканэу Артур Арутюновыр яIэшъхьэтетэу секцие зэхищагъ, ащ темэу иIагъэр: «Фармацием иупчIэ шъхьаIэхэр». Студентмэ медицинскэ туризмэр, «Производствэ Iушыр» фармацевтическэ предприятиехэм зэращагъэфедэхэрэм атегущыIагъэх, джащ фэдэу уцыщэ тучанхэр автоматизацие шIыгъэнхэм япхыгъэ Iофыгъохэри къаIэтыгъэх. Анахьэу агу рихьыгъэр Никита Кондаковым идокладэу биогеннэ стимуляторхэр ыкIи адаптогенхэр ащэхэ хъумэ фармацевтическэ консультированиеу ашIыхэрэм афэгъэхьыгъэр ары. Секциеу «Фармакогностическое изучение растений» зыфиIорэм хэлэжьэгъэ студентмэ Iэзэгъу уцхэм яморфологие аушэтыгъ, нейросетьхэм хъэхъоныгъэу ащыхъухэрэр зэрагъэшIагъ. Конференцием пэIудзыгъэ шIыкIэмкIэ къыщыгущыIагъэх студентхэу Институт Фармацием СамМГУ-м щеджэхэрэр, научнэ пащэр — фармацевтическэ шIэныгъэхэмкIэ кандидатэу, доцентэу Рыжова В.М. (г. Самара, СамМГУ). IофшIэгъэ дэгъукIэ къыхахыгъ Ангелина Меркуловам иушэтын-зэгъэпшэнхэу лъэпкъэу Geranium фэгъэхьыгъэхэр. Секциеу «Современные методы исследования и анализа лекарственных средств» зыфиIорэм студентмэ проектэу къыщагъэлъэгъуагъэхэр уцыщэ тучанмэ алъыплъэгъэным, цифрэ технологиехэр  фармацевтикэм ыкIи нейротехнологиехэм ахэгъэхьэгъэнхэм афэгъэхьыгъагъ. Мы секцием къыдыхэлъытагъэу пэIудзыгъэ шIыкIэмкIэ къыщыгущыIагъэх ВолгГМУ-м истудентхэр. Проектым хэлэжьэрэ ныбжьыкIэ цIыкIухэу «Сириус.Гъэмаф. Уипроект егъажь» (Иван Бочкаревыр (къ. Мыекъуап, МБОУ «СШ № I0» я 7-рэ кл.), Аулъэ Б., Акежева А. (къ. Мыекъуап,  МБОУ «Лицей №35» я I0-рэ кл.), Печеницына Е. (г. Белореченск, МБОУ «СОШ № 3» я 9-рэ кл.), Никифорова Е., Умарова Ш. (къ. Мыекъуап, МБОУ «СШ № 2» я 9-рэ кл.) Безрукова Д. (къ. Мыекъуап,  ГБОУ АРГ я 8-рэ кл.), Зарапина Д. Шаповаленко А. (къ. Мыекъуап, ГБОУ АРГ я 8-рэ кл.) Мальцев А. (къ. Мыекъуап,  МБОУ «Лицей № 8» я 9-рэ кл.) ащеджэрэмэ ядокладхэмкIэ яIахьышхо конференцием къыхалъхьагъ: «Комплексный скрининг сырья дикорастущих растений Республики Адыгея на наличие кверцетина и его гликозидов как соединений с высокой антиоксидантной активностью», «Разработка технологии получения сухого экстракта из растительного сбора иммунного действия», «Создание органического шампуня с лекарственными травами» зыфиIохэрэр къашIыгъэх.
 
Экологием ыкIи тыкъэзыуцухьэрэ дунаим икъэухъумэн якафедрэ щыкIогъэ секциеу «Актуальные вопросы экологической безопасности» зыфиIорэр зэхэзыщагъэхэр кафедрэм идоцентхэу Любовь Вавиловар ыкIи Галина Гунинар. Мы илъэсым секцием зэрипхыгъэх къалэхэу Мыекъуапэ, Шытхьалэ ыкIи ТIуапсэ якIэлэеджакIохэр. Ахэмэ япроектнэ ыкIи научнэ-ушэтэкIо IофшIэнэу агъэцэкIагъэр къагъэлъэгъуагъ. Экологием ищынэгъончъагъэ, тыкъэзыуцухьэрэ дунаир къабзэу щытыныр, цIыфым ипсауныгъэ къэухъумэгъэныр, нэмыкI лъэныкъуабэхэм алъыIэсыгъэх, анахьэу биологием, экологием, медицинэм, экономикэм ыкIи социологием. УшэтэкIо ныбжьыкIэ 27-мэ къагъэхьазырыгъэ доклад 20-м ехъу къашIыгъ. анахьэу зэхэгущыIэжьыныр къызэрыкIыгъэр ыкIи ашIогъэшIэгъоныгъэр кIэлэеджакIохэу «Сириус.Гъэмаф. Уипроект егъажь» зыфиIорэм епхыгъэхэр ары.

 
Административнэ ыкIи уголовнэ правэм икафедрэ идоцентэу Елена Курбановам зэхищэгъэ секциеу «Современная юридическая наука: вопросы теории и практики» зыфиIорэм хэлэжьагъэх сткудентхэу МГТУ, МГУ, РУТ и КУ МВД ащеджэхэрэр, ахэмэ докладхэр къашIыгъэх. Темэу яIагъэр: хьыкум Iофыр цифрэм епхыгъэным къыщегъэжьагъэу коррупцием ебэныгъэным нэс. Электроннэ искхэм ыкIи юридическэ пшъэдэкIыжьэу къэралыгъо къулыкъушIэхэм ахьырэм афэгъэхьыгъэ IофыгъохэмкIэ зэхэгущыIэжьхэр ашIыгъэх.
 
Инженер ыкIи псэолъэшI хъущтхэр секциеу «Актуальные проблемы и перспективы строительной отрасли» зыфиIорэм зэрипхыгъэх, ащ ипащагъэр кафедрэм ипрофессорэу Мэрэтыкъо З.А. Темэхэм ащыщыгъэхэр: редукторхэм яушэтын, непэрэ псэолъэшI материалхэр, экологиемрэ унэхэм яшIынрэ ыкIи нэмыкIыбэхэр.

Секциеу «Физико-химические исследования свойств веществ и материалов» зыфиIорэм докладхэр къыщызышIыгъэхэр технологическэ, экологическэ факультетхэм ыкIи аграрнэ технологиехэм яфакультетым ястудентхэр ары. Химием ылъэныкъокIэ ушэтынэу ашIыгъэхэр тыкъэзыуцухьэрэ дунаим химиер зэрэхэщагъэм, зэрарэу къыхьырэм ыкIи ащ лъыплъэгъэным фэгъэхьыгъэ докладыгъэх.
 
Научнэ тхьэмафэм къыгъэлъэгъуагъ: МКъТУ-м щеджэхэрэмэ сэнаущыгъэшхо ахэлъ, ахэр ныбжьыкIэхэу тидунай зэблэзыхъуным фэхьазырхэр ары. Конференциеу «Студенческэ наукэр — ныбжьыкIэмэ яеплъыкI» зыфиIорэр IофшIагъэхэм ялъэтегъэуцо къодыеу щытыгъэп, ар гукъэкIхэм якIыщ шъыпкъэ хъугъэ, профессиональнэ хэхъоныгъэхэр зыщагъотырэ чIыпIэу щытыгъ. ЗэкIэ хэлэжьагъэмэ, гъэсакIомэ ыкIи студентмэ тафэраз! Тицыхьэ телъ мы тхьэмафэм къагъэлъэгъогъэ проектхэм ащыщыбэхэр урысые ыкIи дунэе Iофтхьабзэмэ зэрахэлэжьэщтхэм.