Проектэу «Инновационный хаб Юга России» зыфиIорэм къыдыхэлъытагъэу зэнэкъокъукIэ къыхахых стартапхэр, ахэр технологическэ IофшIэнхэу гугъапIэ къэзытырэмэ афэгъэхьыгъэх. Зэнэкъокъур едзыгъо-едзыгъоу шъолъырхэм ащызэхащэх, проектхэр тыди къащыхахых, программэу онлайн-акселерацием хэлэжьэнхэ амал зиIэхэу щытхэр.

Зэнэкъокъум епхыгъэ Iофтхьабзэмэ адакIоу программэу трекерхэри къыхахых — специалистхэу стартап-командэхэр лъызгъэкIуатэхэрэр ыкIи хэхъоныгъэ языгъэшIыхэрэр, проектхэм ягъэцэкIэн зыщыкIорэ уахътэм тефэу. А программэм къыдыхэлъытагъэу трекерхэм теоретическэ егъэджэнхэр акIух, стажировкэхэр акселераторым ипроектхэм ащахьынхэу амалхэр агъотых.

Мыекъопэ къэралыгъо технологическэ университетым ыцIэкIэ зэнэкъокъум хэлажьэ экологическэ факультетым истудентэу Александр Карлиныр.

Онлайн-къэухъумэныр ышIызэ Александр Карлиным экспертнэ осэшIмэ апашъхьэ рилъхьагъ проектэу «Hothouse», ар зыфэгъэхьыгъэр акъылыгъэ зыхэлъ автономнэ экосистемэу гъэреным мэкъу-мэщ продукцием икъэгъэкIын дэлэжьэрэ методэу аквапоникэр ары. Проектым зэрепхых биологическэ, инженернэ ыкIи цифрэ зэшIокIхэр, экономие хэлъэу псы, фабэ ыкIи остыгъэ къэкIуапIэхэр гъэфедэгъэнхэр къыделъытэх. Проектыр экспертнэ сообществэм лъэшэу шIогъэшIэгъоныгъ. Ар къызэрэхъугъэ шIыкIэр къыкIэлъыкIорэ едзыгъор — акселераторым зэрэхэлажьэу — зэфэхьысыжьхэм ащыхахыгъэмэ къэлъэгъощт.

Компаниеу «Фирон» зыфиIорэм илIыкIохэр IофшIэным хэлэжьагъэх —  программэм изэхэщакIохэр: предгрантовэ экспертизэм и Гупчэ ипащэу, зэнэкъокъухэу «Студенческий стартап», «Умник» зыцIэмэ яэкспертэу Лиана Волобуевар ыкIи маркетингэу ГК «Алеко» ипащэу, компаниеу «Фирон» имаркетологэу Анна Димитровар.

Проектэу «Инновационный хаб Юга России» зыфиIорэм шIоигъоныгъэ зиIэ ныбжьыкIэхэр хэлэжьэнхэ алъэкIыщт, инноваторхэр ыкIи командэхэр. Заявкэ щыптын ыкIи проектым нэIуасэ мыщ ущыфэхъун ылъэкIыщт: официальнэ сайтэу программэм иIэм.