Урысе гъэсэныгъэ ыкIи кадрэхэм ягъэIорышIэнкIэ гупчэу «Машук» зыфиIорэр ары кIэлэегъэджэ-практикумэу кIэлэегъэджэ-гъэсакIохэр ыкIи Лъэпкъ киберфизическэ платформэу «Бым» ишъолъыр координаторхэм афэгъэхьыгъэр зыщыкIуагъэр.

КIэлэегъаджэхэр, кванториумхэм япащэхэр, ДПО-м ягупчэхэр, гъэсакIохэр зэрэугъоигъэх методикакIэхэмкIэ зэхъожьынхэу, кружокхэм яхэхъоныгъэхэм атегущыIэнхэу, ТехноГТО-м иплощадкэхэмкIэ, опытымкIэ зэдэгощэнхэу, киберфизикэм хэгъозэнхэу.

Мыекъопэ къэралыгъо технологическэ университетыр къэзгъэлъэгъуагъэр Светлана Новиковар ары, маркетингым, сервисым ыкIи туризмэм якафедрэ идоцентым, МКъТУ-м и «Точка кипение» ипрограммнэ пащэм, очнэ площадкэу ТехноГТО-м изещакIом.

Iофтхьабзэм къыдыхэлъытагъэу эксперт пэрытмэ хэлажьэхэрэр аIукIагъэх, технологическэ гъэсэныгъэмкIэ кружокхэм ядвижение зэрэхъурэм атегущыIагъэх.

Ахэм ащыщыгъэх — Алексей Федосеевыр, технологическэ кружокхэм я Ассоциацие ипрезидент, Лъэпкъ киберфизическэ платформэу «Бым» изещакIо пэрыт; Анастасия Старостинскаяр, кружокхэм я Ассоциацие ивице-президент; Дарья Цивилевар, инновационнэ хэхъоныгъэмкIэ ООО «ПОЛЮС-НТ» зыфиIорэм испециалист пэрыт; Елизавета Курапинар, методист, гъэсэныгъэ программэу «Федэ къэзыхьырэ джэгукIэхэр» зыфиIорэм ипащ ыкIи нэмыкIхэр.

Практикумым ипрограммэ игъэкIотыгъэу гъэпсыгъагъэ ыкIи хъугъэ-шIагъэхэмкIэ баигъэ: журналыкIэу «Юный киберфизик» зыцIэм лъэтегъэуцо фашIыгъ, мастер-классхэр, геймификациер инженернэ гъэсэныгъэм зэрэщагъэцакIэрэмкIэ лекциехэр хэтыгъэх, гъэсэныгъэм, сценариехэм купхэм ащыдэлэжьэгъэнхэр, интеллектуальнэ квизхэр къебэкIыщтыгъэх.

Практикумым хэлажьэхэрэр киберфизикэм тегущыIэщтыгъэх, ар системэу зэрэщытыр къыхагъэщызэ, еджапIэмрэ апшъэрэ еджапIэмрэ зэзыпхырэ гъэсэныгъэу къыхахыгъ. КIэлэегъаджэхэмрэ гъэсакIохэмрэ куп сессиехэм кружокхэр зыфэдэщтхэмкIэ проектыкIэхэр ащагъэнэфагъэх, практическэ екIолIакIэхэмкIэ зэдэгощагъэх.

Шъугу къэдгъэкIыжьын, Мыекъопэ къэралыгъо технологическэ университетыр ары Адыгэ Республикэм апэрэ площадкэ мы лъэныкъомкIэ щыхъугъэр, ТехноГТО-м иушэтынхэр тыгъэнхэмкIэ. Мы мэфэ благъэхэм площадкэм икъызэIухын агъэхьазыры.