Шъугу къэтэгъэкIыжьы, ныбжьыкIэ проектхэм я Урысые зэнэкъокъоу «Уигухэлъ факIу!» зыфиIорэр кIэухым факIо.

Мэлылъфэгъум и 1-м нэс хэлажьэрэ командэмэ япроектхэм ялъэтегъэуцохэр зэнэкъокъум игъэцэкIэкIо комитет ратынхэ фае. Финалым ихьагъэмэ ацIэхэр мэлылъфэгъум ыкIэхэм къаIопщыщт. ЗэхэщакIохэм кIэухым зыфагъэхьазыры ыкIи къэбар гушIуагъор къаIопщы. МКъТУ-м игъусэгъоу, компаниеу «АльбоТравел», туристическэ комплексэу «Терем у реки» зыфиIорэм лъэныкъоу «Зэтегъэпсыхьэгъэным» текIоныгъэ къыщыдэзыхырэм пае шIухьафтын шъхьаф ыгъэнэфагъ.

Командэу нахьыжъ купым (илъэс 19-25-рэ) щытекIорэр хьакIэщэу, туристическэ комплексэу «Терем у реки» зыфиIорэм рагъэблэгъэщт нэIуасэ зыщыфашIынэу ыкIи Iоф щашIэнэу жъоныгъуакIэм и 27-м къыщыублагъэу и 29-м нэс. Нахьыжъ купым къыхиубытэхэу текIоныгъэм ыуж къэкIырэ чIыпIэхэр къыдэзыхыхэрэр (илъэс 19-25-рэ), куп нахьыкIэм хэтхэр (илъэс 14-18-рэ) зы мэфэ экскурсие афызэхащэщт туристическэ комплексэу «Терем у реки» зыфиIорэм, п. Каменномостскэм пэIулъ чIыпIэхэр арагъэлъэгъущтых, щэджэгъуашхэ арагъэшIыщт.

ТекIоныгъэ къыдэзыхыгъэхэу экскурсием хэлэжьэн зымылъэкIыщтхэм апае ыпкIэ зыхэмылъ онлайн-упчIэжьэгъухэр япроектхэмкIэ афызэхащэщтых, ахэр компанием изещэкIо пэрытмэ къафагъэпсыщт.

НыбжьыкIэ проектхэм я Урысые зэнэкъокъоу «Уигухэлъ факIу» зыфиIорэр Мыекъопэ къэралыгъо технологическэ университетым щызэхащэ, ащ иIэпыIэгъухэр: Урысые Федерацием гъэсэныгъэмкIэ и Министерствэ, гъэсэныгъэмрэ шIэныгъэмрэкIэ АР-м и Министерствэ и «Точка кипениехэр» зэкIэ. 

Зэнэкъокъум иоператорыр — МКъТУ-м и «Точка кипение» икоманд: программнэ пащэр Светлана Новикова, администраторыр Мария Тамахина.

ТекIоныгъэ къыдэзыхырэмэ афэгъэхьыгъэ къэбарыр УФ-м и Президентэу Владимир Путиным и Къэралыгъо информационнэ ресурс и Фондэу «Сэнаущыгъэр ыкIи гъэхъагъэхэр» зыфиIорэм щатхыщт.