Гурыт профессиональнэ гъэсэныгъэ программэмкIэ целевой егъэджэныр зэхэщэгъэным пае еджэрэр зыгъэIорышI.

1.     Целевой егъэджэнымкIэ предложение къыхэхыгъэныр.

IофшIэн къэзытырэмэ целевой егъэджэнымкIэ предложениеу къахьыхэрэр къэгъотыгъэныр.

— Целевой егъэджэнымкIэ заказчикым ипредложение ЕЦП «Урысыем IофшIэныр» зыфиIорэм къырегъахьэ. Ащ пIалъэу пылъыр, къызыщыригъэхьащт уахътэр заказчикым ежь-ежьырэу егъэнафэ.

— Целевой егъэджэнымкIэ предложениеу угу рихьыгъэр зыфэдэр зэхэпфын фае.

Целевой егъэджэнымкIэ заказчикым ипредложение шапхъэу Урысые Федерацием ихэбзэгъэуцоу мэлылъфэгъум и 27-м 2024-рэ илъэсым къыдигъэкIыгъэу, № 555-рэ зиIэу «О целевом обучении по образовательным программам среднего профессионального и высшего образования» зыфиIорэм елъытыгъэу къыхеуты.

2.    Гурыт профессиональнэ гъэсэныгъэ программэмкIэ целевой егъэджэным фэгъэхьыгъэ заявкэр огъэхьазыры.

Заявкэм итынхэ фаех заказчикэу целевой егъэджэнымкIэ агъэфедэрэм ыцIэ, ащ иидентификационнэ номерыр зэрыт предложениеу о къыхэпхыгъэр. Заказчикым фэгъэхьыгъэ къэбар игъэкIотыгъэм шъущеплъ ЕЦП-м «Урысыем IофшIэныр» зыфиIорэм.

Шапхъэр ибгъотэщт Урысые Федерацием ихэбзэгъэуцоу мэлылъфэгъум и 27-м 2024-рэ илъэсым къыдигъэкIыгъэу, № 555-рэ зиIэу «О целевом обучении по образовательным программам среднего профессионального и высшего образования» зыфиIорэм.

3.     Заявкэр птын фае.

А 1-рэ шIыкIэр — Колледжым е техникумым узщеджэрэ уахътэм целевой егъэджэнымкIэ заявкэр заказчикым еоты.

Я 2-рэ шIыкIэр — Колледжым е техникумым узщеджэрэ уахътэм заявкэр колледжым е техникумым ятхьаматэ еоты.

Апэ копиер электроннэ почтэмкIэ целевой егъэджэнымкIэ предложение къэзыхьыгъэ заказчикым, е колледжым е техникумым япащэ фэбгъахьын, етIанэ заявкэ шъыпкъэр тхьапэм тетэу афэпхьыни, яптын фае.

Ныбжьэу уиIэр джыри илъэс 18 мыхъугъэмэ, уянэ-уятэмэ, е уигъэсакIо, е уашъхьагъ итым, къызэрэбдырагъаштэрэр къэзыушыхьатырэ тхылъыр заявкэм гоплъхьан фае. А дегъэштэныгъэр электроннэ шIыкIэми, тхьэпэ тхыгъэми агоплъхьанэу щыт.

ШъунаIэ тешъудз! Рагъэджэнэу аштагъэхэмрэ заказчикым зэзэгъыныгъэу къыгъэхьазырыгъэхэмрэ япчъагъэ зэтекIын ылъэкIыщт, ащ фэдэ хъумэ заказчикым кандидатхэу целевой егъэджэнымкIэ щыIэхэр къыхехыжьых.

4.     Целевой егъэджэнымкIэ зэзэгъыныгъэм шъузэдыкIатхэ.

Целевой егъэджэнымкIэ егъэджэным фэгъэхьыгъэ зэзэгъыныгъэр зэдашIы шапхъэу Урысые Федерацием ихэбзэгъэуцоу мэлылъфэгъум и 27-м 2024-рэ илъэсым къыдигъэкIыгъэу, № 555-рэ зиIэу «О целевом обучении по образовательным программам среднего профессионального и высшего образования» зыфиIорэм елъытыгъэу.

2024/25-рэ еджэгъу илъэсхэм целевой егъэджэнымкIэ зэзэгъыныгъэм тхьапэм щызэдыкIатхэх.

Егъэджэным изаказчик ары тхыгъэм нэIуасэ уфэзышIырэр, зэмызэгъыныгъэхэр дэзыгъэзыжьыхэрэр, уахътэр, чIыпIэр къыхэзыхырэр зэзэгъыныгъэм икIэтхэнкIэ.

Ныбжьэу уиIэр джыри илъэс 18 мыхъугъэмэ, уянэ-уятэмэ, е уигъэсакIо, е уашъхьагъ итым, къызэрэбдырагъаштэрэм елъытыгъэу зэзэгъыныгъэм укIатхэ, дегъэштэныгъэр тхьапэм тетэу е федеральнэ къэралыгъо информационнэ системэу «Къэралыгъо ыкIи муниципальнэ фэIо-фашIэхэмкIэ ЗыкI портал» (www.gosuslugi.ru) зыфиIорэмкIэ къатын фае, техническэ амал щыIэмэ.

5.     Коллежым е техникумым ипащэ целевой егъэджэным фэгъэхьыгъэ зэзэгъыныгъэ зэрэщыIэмкIэ макъэ егъэIугъэн фае.

Зэзэгъыныгъэм зыкIатхэхэрэ ужым, тхыгъэу, IофшIэгъо мэфи 10-м къыщымыкIэу гъэсэныгъэ организацием ипащэ макъэ ебгъэIунэу щыт.