Гурыт профессиональнэ гъэсэныгъэ программэмкIэ целевоимкIэ еджэнэу чIахьэрэ абитуриентым ипамяткэ нэIуасэ зыфэшъушI.

1.     Целевой егъэджэнымкIэ предложениер къыхэхыгъэныр.

— Целевой егъэджэным изаказчикмэ япредложениехэр ЕЦП-м «Урысыем IофшIэныр» зыфиIорэм мэкъуогъум и 10-м нахь мыкIасэу къырагъахьэ.

— Ащ фэдэ предложениеу  целевой егъэджэнымкIэ нахь шъугу рихьыгъэм нэIуасэ зыфэшъушI.

Заказчикым предложениер къыригъахьэ хъумэ ыгъэфедэрэ шапхъэр Урысые Федерацием ихэбзэгъэуцугъэу мэлылъфэгъум и 27-м 2024-рэ илъэсым къыдэкIыгъэу  № 555-рэ зиIэу «О целевом обучении по образовательным программам среднего профессионального и высшего образования» зыфиIорэр ары.

2.     Зэзэгъыныгъэр зэдэшIыгъэным пае заявкэм ишапхъэ къыхэпхын ыкIи ар тыгъэн фае.

А 1-рэ шIыкIэр — электроннэ шапхъэмкIэ (техническэ амал уиIэмэ) колледжым е техникумым узэрэчIахьэрэмкIэ заявлениер игъусэу. Ащ фэдэ хъумэ, заявкэр шъогъэхьазыры ыкIи шъогъэхьы  федеральнэ къэралыгъо информационнэ системэу «Единый портал государственных и муниципальных услуг (функций)» (ЕПГУ) зыфиIорэм.

Я 2-рэ шIыкIэр — тхьапэм тетхагъэу колледжым е техникумым, ащыщэу узычIэхьащтым фэогъэхьы.

Ащ фэдэ хъумэ, хэбзэгъэуцугъэу Урысые Федерацием ихэбзэгъэуцугъэу мэлылъфэгъум и 27-м 2024-рэ илъэсым къыдэкIыгъэу  № 555-рэ зиIэу «О целевом обучении по образовательным программам среднего профессионального и высшего образования» зыфиIорэм тхыгъэ шапхъэр къыхэохы.

Тхьапэм тетэу заявкэр апэ птынэу уфаемэ, ащ икопие колледжым е  техникумым электроннэ почтэмкIэ апэ бгъахьыни, ащ ыуж колледжым е  техникумым укъэкIони, о пшъхьэкIэ узэрэчIахьэрэмкIэ заявкэ тхыгъэ шъыпкъэр яптынэу щыт. ЧIэхьэгъум епхыгъэ документхэр зыщаштэрэ пIалъэм уимыкIэу ар бгъэцэкIэн фае.

Заявкэм итынхэ фаех заказчикэу целевой егъэджэнымкIэ агъэфедэрэм ыцIэ, ащ иидентификационнэ номерыр зэрыт предложениеу о къыхэпхыгъэр. Заказчикым фэгъэхьыгъэ къэбар игъэкIотыгъэм шъущеплъ ЕЦП-м «Урысыем IофшIэныр» зыфиIорэм. 

Ныбжьэу уиIэр джыри илъэс 18 мыхъугъэмэ, уянэ-уятэмэ, е уигъэсакIо, е уашъхьагъ итым, къызэрэбдырагъаштэрэр къэзыушыхьатырэ тхылъыр заявкэм гоплъхьан фае. А дегъэштэныгъэр электроннэ шIыкIэми, тхьэпэ тхыгъэми агоплъхьанэу щыт.

3.     УчIэхьагъэмэ ууплъэкIужьын фае. Колледжым е техникумым узэрэчIэхьагъэмкIэ приказыр къызщыдэкIыгъэ мафэр бгъэунэфынэу щыт. Ащ фэдэ унашъо щыIэ зыхъурэ ужыр ары зэзэгъыныгъэм узыкIатхэрэр целевой егъэджэнымкIэ щыIэм.

Колледжым е техникумым уаштагъэмэ, ащ ыпэкIэ заявкэр электроннэ шIыкIэмкIэ ЕПГУ-м яптыгъагъэмэ, ар гъэсэныгъэ организацием иIэшъхьэтетмэ афэIопщ, заказчикым макъэ рагъэIужьыным фэшI узэрэчIэхьагъэмкIэ. Ар хэмытэу зэзэгъыныгъэм укIэтхэн плъэкIыщтэп.  

ШъунаIэ тешъудз! Рагъэджэнэу аштагъэхэмрэ заказчикым зэзэгъыныгъэу къыгъэхьазырыгъэхэмрэ япчъагъэ зэтекIын ылъэкIыщт, ащ фэдэ хъумэ заказчикым кандидатхэу целевой егъэджэнымкIэ щыIэхэр къыхехыжьых.

4.     Целевой егъэджэнымкIэ зэзэгъыныгъэ дэшIыгъэныр.

Ныбжьэу уиIэр джыри илъэс 18 мыхъугъэмэ, уянэ-уятэмэ, е уигъэсакIо, е уашъхьагъ итым, къызэрэбдырагъаштэрэр къэзыушыхьатырэ тхылъыр заявкэм гоплъхьан фае. А   дегъэштэныгъэр электроннэ шIыкIэми тхьапэ тхыгъэми агоплъхьанэу щыт.

А 1-рэ шIыкIэр — зэзэгъыныгъэр электроннэ шIыкIэмкIэ агъэхьазыры. Колледжыр е техникумыр зэзэгъыныгъэр къапкъырэкIмэ, целевой егъэджэнымкIэ зыщыкIатхэхэрэр ЕЦП «Урысыем IофшIэныр» зыфиIорэр (trudvsem.ru) ары, заказчикым фэдэу. Мобильнэ приложениеу «Госключ» зыцIэмкIэ зэзэгъыныгъэм шъукIатхэ.

Я 2-рэ шIыкIэр — зэзэгъыныгъэр тхьапэкIэ шъогъэхьазыры. Ащ ишапхъэ къыщеты Урысые Федерацием ихэбзэгъэуцугъэу мэлылъфэгъум и 27-м 2024-рэ илъэсым къыдэкIыгъэу  № 555-рэ зиIэу «О целевом обучении по образовательным программам среднего профессионального и высшего образования» зыфиIорэм. 

Егъэджэным изаказчик ары тхыгъэм нэIуасэ уфэзышIырэр, зэмызэгъыныгъэхэр дэзыгъэзыжьыхэрэр, уахътэр, чIыпIэр къыхэзыхырэр зэзэгъыныгъэм икIэтхэнкIэ.

5.     Коллежым е техникумым ипащэ целевой егъэджэным фэгъэхьыгъэ зэзэгъыныгъэ зэрэщыIэмкIэ макъэ егъэIугъэн фае.

Зэзэгъыныгъэм зыкIатхэхэрэ ужым, тхыгъэу, IофшIэгъо мэфи 10-м къыщымыкIэу гъэсэныгъэ организацием ипащэ макъэ ебгъэIунэу щыт.