Я IX-рэ шъолъыр  чемпионатэу «Абилимпикс» — 2025-рэ

Мыекъопэ къэралыгъо технологическэ университетыр хабзэ зэрэхъугъэу Iофтхьабзэм изэхэщакIу, ащ хэлажьэхэрэр, экспертхэр ыкIи гуфакIохэр иплощадкэ къырегъэблагъэх.

Инклюзивнэ гъэсэныгъэм хэхъоныгъэхэр егъэшIыгъэнхэр япшъэрылъэу чемпионатыр зэхащэ, цIыфхэм зэфэдэ амалхэр афэшIыгъэнхэм фэIорышIэ.

МКъТУ-м чемпионатыр щызэхэщэгъэныр ыкIи ащ пэщэныгъэ дызехьэгъэныр лъэныкъуитIу къэзыгъэпсырэр — зэхэщэкIо комитетыр ыкIи рабочэ купыр (техническэ дирекциер).

ГъэцэкIэкIо комитетым ипащэр егъэджэн IофшIэнымкIэ проректорэу, экономикэ шIэныгъэхэмкIэ докторэу, профессорэу Людмила Задорожная. Комитетым зэкIэмкIи хэтхэр: цифровизациемкIэ проректорэу Дмитрий Игнатовыр; административнэ-хъызмэт IофшIэнымкIэ Пэрэныкъо Аслъан; МКъТУ-м и Политехническэ колледжым ипащэу, экономикэ шIэныгъэхэмкIэ докторэу, профессорэу ХъутIыжъ Заурбэч.

Рабочэ купым хэхьэх университетым ыкIи колледжым якIэлэегъаджэхэр: ЦК ПК МКъТУ-м итхьаматэу Iэшъынэ Саниет; маркетингым, сервисым ыкIи туризмэм якафедрэ идоцентэу Хьанэхъукъо Зарем; ЦК ПК МКъТУ-м итхьаматэу Шышъхьэ Светлан; ландшафтнэ архитектурэм ыкIи мэз Iофым якафедрэ идоцентэу Уджыхъу Мигретэ; информационнэ щынэгъончъэнымкIэ ыкIи прикладной информатикэмкIэ кафедрэм идоцентэу Сапые Азамат.

Мы илъэсым чемпионатыр лъэныкъуиплIыкIэ рагъэкIокIы:

— Предпринимательствэр;

— Веб-дизайныр;

— Флористикэр;

— Цифрэ информацием Iоф дэшIэгъэнымкIэ мастер.

Зэнэкъокъум пае агъэхьазырыгъэ площадкэхэр зэкIэ МКъТУ-м ыкIи Политехническэ колледжым щыIэх.

МКъТУ-м ыкIи Политехническэ колледжым ащеджэрэ студент 24-рэ чемпионатым хэлажьэх.

Лъэныкъоу «Предпринимательствэр»: Игорь Тарасовыр, Алмасхан Билархановыр, Дмитрий Жакулиныр, Полина Алтуховар, Светлана Караченцевар.

Лъэныкъоу «Веб-дизайныр»: Илья Ульныровыр, Владимир Белецкэр, Александр Путимцевыр, Заира Мамерговар, ЦIыкIужъые Зар.

Лъэныкъоу «Цифрэ информацием Iоф дэшIэгъэнымкIэ мастер»: БрантIэ Дамир, СтIашъу Марин, Артемий Асерскэр, Артем Балыкиныр, экономикэм ыкIи юриспруденцием яинформационнэ системэхэм яфакультет истуденткэу Вероника Монисовар.

Лъэныкъоу «Флористикэм» республикэм игъэсэныгъэ организациехэм якIэлэеджакIохэр хэлажьэх.

Чемпионатым щытекIорэмэ ахъщэ шIухьафтынхэр къяжэх:

— а I-рэ чIыпIэр — сомэ 6000

— я 2-рэ чIыпIэр — сомэ 5000

— я 3-рэ чIыпIэр — сомэ 4000

— Хэлажьэхэрэмэ — сомэ 3000

«Абилимпиксым» хэлажьэрэмэ зэкIэмэ, кIэлэегъаджэхэм ыкIи студентхэм лъэшэу тафэраз, тиуниверситет инклюзивнэ гъэсэныгъэм ынаIэ зэрэтыригъэтырэ зэпытым тырэпагэ, тишъолъыркIэ нахь Iофыбэ мы лъэныкъомкIэ зыкъэцакIэхэрэм зэращыщым.

Чемпионатым хэлажьэрэмэ гъэхъагъэхэр ашIынхэу тафэлъаIо, зэфэхьысыжьхэм тыкъяжэ!